Bihar izango da lehen saioa 2016-04-07

"Bertso txiki, saio haundi" Zerainen

Belaunaldi ezberdinetako zortzi bertsolarirekin antolatu du bertso desafioa Zeraingo Zerainlab ekimenak. Aratz Igartzabal, Maialen Akizu, Gemma Urteaga eta Eneko Araiztegi bertsolari gazteak,  transmisioan aritutako beste lau bertsolarirekin, Xabier Zeberio, Iñaki Murua, Millan Telleria eta Mikel Mendizabalekin.

Bikoteka hartuko dute parte desafioan eta bi kanporaketa izango dira. Kanporaketa bakoitzean bi bikote aurrez aurre eta hiru saio osatu beharko dituzte. Herriko tabernetan eta sagardotegietan izango dira saioak. Hemen egutegia:

- Apirilak 8, ostirala. Aratz Igartzabal (Gabiria) eta Xabier Zeberio (Itsasondo) - Maialen Akizu (Urretxu) eta Iñaki Murua (Gabiria) . Lehen saioa 19:00etan Ostatun, bigarrena 20:00etan Mandion eta hirugarrena afalostean izango da Oiharte sagardotegian.

· Apirilak 15, ostirala. Gemma Urteaga (Beasain) eta Millan Telleria (Albiztur) - Eneko Araiztegi (Segura) eta Mikel Mendizabal  (Itsasondo). Lehen saioa 19:00etan Ostatun, bigarrena 20:00etan Mandion eta hirugarrena afalostean izango da Otatza sagardotegian.

Finala apirilaren 30ean izango da, bazkalostean.

Bertsoaren bitartez Zerain herria lantzen
Zerain eta antzeko herri txikien garapena du helburu Zerainlab ekimenak. Kasu honetan, bertsoaren bitartez Zerainen jarduera ekonomikoan eragin nahi dute. Horregatik, sariak  herriko artzainen gaztak izango dira; bertso saioak herriko taberna eta sagardotegietan egingo dira; eta afaritarako bertako Lumagorri oilaskoak izango dituzte.

• 
•