Bizkaiko Eskualdeetako Bertsolari Txapelketa 2012-05-14

Iñaki Iturriotz eta Gorka Lazkano txapeldun

 Bigarren asteburua bete du Bizkaiko Eskualdeetako Bertsolari Txapelketak. Zortzi eskualdeetako txapelketak egingo dira, eta lau burutu dira dagoeneko. Joan zen asteburuan Durangaldean eta Arratian jokatu zituzten finalak. Ostiralean egin zuten Durangaldeko finala Abadiñoko probalekuan, gaueko 22etan hasita. 150 bat lagun bertaratu ziren saioa jarraitzera. Honela gelditu zen sailkapena:

 1.- Gorka Lazkanok            415 puntu (buruz burukoa kontutan hartuta)
 2.- Peru Madalenak            264 puntu (buruz burukoaren ondoren 410)
 3.- Ander Salaberriak         242,5 puntu
 4.- Garikoitz Sarriugartek    242 puntu
 5.- Eñaut Uruburuk            242 puntu
 6.- Julen Sololuzek           197 puntu

 Maite Berriozabal aritu zen aurkezle lanetan. Gauzak honela, Gorka Lazkanok zuzenean lortu du udazkenean Bizkaiko Bertsolari Txapelketan parte hartzeko txartela. Pello Mugerza bertsolari, bertsozale eta bertso eragile mallabiarraren eskutik jaso zuen txapela. Gainerakoek puntuazioen zain geratu beharko dute.

 Larunbatean, berriz, Arratiako finala jokatu zen Zeanuriko Kultur Etxean, arratsaldeko 17:30etatik aurrera. 120 lagun gerturatu ziren finala jarraitzera. Ibon Izak aurkeztu zuen saioa eta honela gelditu zen sailkapena:

 1.- Iñaki Iturriotzek    390,5 puntu (buruz burukoa kontutan hartuta)
 2.- Unai Ormaetxeak      216 puntu (buruz burukoarekin 359)
 3.- Illart Gumuziok      199 puntu
 4.- Ander Aldazabalek    190,5 puntu
 5.- Beñat Romerok        182,5 puntu
 6.- Irati Astondoak      170 puntu

 Juanjo Respaldiza bertsolari, eragile eta bertso irakaslek jantzi zion txapela Iñaki Iturriotzi. Garaileak zuzeneko txartela lortu du udazkenean Bizkaiko Txapelketan kantatzeko. Gainerakoek puntuazioen zain geratu beharko dute. Oraingoz Aitor Arrutia, Oihana Bartra, Gorka Lazkano eta Iñaki Iturriotz dira zuzeneko txartela eskuratu duten bertsolariak. Gehienez 30 bertsolari sailkatuko dira Eskualdeetako Txapelketatik udazkeneko fasera, eta honela dago sailkapena lau finalen faltan.

 1.- Peru Madalenak              264 puntu
 2.- Ander Salaberriak           242,5 puntu
 3.- Garikoitz Sarriugartek      242 puntu
 4.- Eñaut Uruburuk              242 puntu
 5.- Txaber Ormazabalek          217 puntu
 6.- Unai Ormaetxeak             216 puntu
 7.- Ion Barrocalek              208 puntu
 8.- Arkaitz Zipitriak           202,5 puntu
 9.- Mikel Galarzak              199,5 puntu
 10.- Illart Gumuziok            199 puntu
 11.- Julen Sololuzek            197 puntu
 12.- Idoia Anzorandiak          194 puntu
 13.- Ander Aldazabalek          190,5 puntu
 14.- Beñat Romerok              182,5 puntu
 15.- Irati Astondoak            170 puntu
 16.- Aitziber Bengoetxeak       164,5 puntu
 17.- Nuria Cortadak             164,5 puntu
 18.- Jon Martinezek             164 puntu
 19.- Iker Uribarrenek           134 puntu

 Datorren asteburuan Lea-Artibaiko finala jokatuko da larunbatez, Ondarroako Kafe Antzokian, arratsaldeko 17:30etatik aurrera. Informazio gehiago nahi izanez gero sartu bizkaikotxapelketa.biz web orrian.

• 
•