Igandean hasiko da Erniarraitz Sariketa, Azkoitian

Bi urtez behin jokatzen den Erniarraitz Sariketa igande honetan hasiko da Azkoitian. Urola bailaran izaten da eta Euskal Herri mailako sariketa da. Erniarraitz bertsozale elkartearen eskutik, aurtengoa IX. edizioa da eta 18 bertsolarik hartuko dute parte. Hiru kanporaketa eta finala izango ditu. Finala, 16an Azpeitiko Gaztetxean. Saietako hiru irabazleak zuzenean sailkatuko dira eta beste hirurak puntuazioz sartuko dira finalera.

Lehen kanporaketa otsailaren 18an, igandez, Azkoitiko Kultur Etxean 17:00etan hasita: Oier Etxeberria, Aratz Igartzabal, Txaber Altube, Joanes Illarregi, Maialen Akizu eta Aitor Servier ariko dira lehian. Gai-jartzaile lanak, berriz, Silvia Etxanizek egingo ditu.

Bigarren kanporaketa otsailaren 25ean, igandea, izango da Errezilgo Borondegi jatetxean, 17:00etatik aurrera, eta honako bertsolari hauek abestuko dute bertan: Jon Gurrutxaga, Eli Pagola, Malen Amenabar, Maider Arregi, Eñaut Martikorena eta Eneko Araiztegi. Gaiak jartzen Jokin Uranga ariko da.

Hirugarren kanporaketa martxoaren 4an, igandea, 17:00etan hasita egingo dute Zestoako Kultur Etxean. Saio horretan ere sei bertsolari ariko dira kantuan: Jon Ander Iriondo, Aitor Salegi, Aitor Bizkarra, Peru Abarrategi, Haritz Mujika eta Xabi Igoa. Aizpea Aristi arduratuko da bertsolariei gaiak jartzeaz.

Finala martxoaren 16an, ostiralez, jokatuko dute Azpeitiko Gaztetxean, 22:00etan hasita.