Inprobisazioaz jardungo dira 2018-03-14

Bertsolaritzak lekua izango du Dantzertiren "Arrakala" zikloan

 Itxura batean elkarrengandik urrun egon daitezkeen diziplinak dira bertsoa eta dantza. Dena den, bi munduak gerturatuko ditu ostiral honetan Bilbon Andoni Egañak eta Uxue Alberdik eskainiko duten hitzaldi performatibo batek.

 "Arrakala" zikloan

 Euskadiko Arte Dramatiko eta Dantza Goi Mailako Eskola da Dantzerti. Bere ikasleei eskolaz kanpo beste diziplina batzuetako profesionalekin hartu-emana eskaintzeko helburuz "Arrakala" zikloa antolatuko du aurten bigarrenez. Asteburu honetan izango da zikloa eta inprobisazioa izango du ardatz.

 Bat batean-Bat bitan

 Zikloaren barruan hitzaldi performatibo berezia eskainiko dute ostiral honetan Andoni Egañak eta Uxue Alberdik: "Bat batean-Bat bitan". Iluntzeko 20:30ean izango da saioa Bilbon, Juan Crisostomo de Arriaga Kontserbatorioko areto nagusian. Eskolaz kanpoko jendearentzat ere irekia izango da saioa.