Jaialdia Anoetan, txapelketa Bizkaian eta libreko saioak han eta hemen

Asteburuko agendak saio eta formato aniztasuna dakar oraingoan ere. Gaur Ordizian, Bilbon, Lemoizen, Izarran eta Barakaldon izango dira zita nagusiak. Ordizian Bertsozientzia ekitaldia, Unai Iturriaga eta Alaia Martin bertsotan direla. 19:00etan, herri antzokian. Ordu berean, Barakaldon Aitor Mendiluze eta Jone Uria ariko dira kantuan, herriko plazan.

 

Bilbon, 20:00etan, bertso poteoa Santxutu auzoan, Udaberriko saioetako azkena. 20:30etan, Izarran, Oholtzapetik: Jagoba Apaolaza, Zigor Enbeita, Xabi Igoa, Markel Yoyer, Aintzane Irazustak gaiak jarrita. Anoetan jaialdia, sei bertsolari kantuan direla: Miren Amuriza, Miren Artetxe, Beñat Iguaran, Maialen Lujanbio, Aitor Mendiluze eta Aitor Sarriegi. 22:30etan, plazan.

Lemoizen, berriz, bertso afaria Sebastian Lizaso eta Xabi Paya kantua direla.