Agenda 2018-08-02

Igandetik aurrera egunero saioak egingo dira Gasteizko jaietan

Hitzorduak eguerdiko 13:30ean izango dira Aihotz plazan. Igandean Maialen Lujanbio eta Aitor Mendiluze ariko dira; astelehenean Izar Mendiguren, Andere Arriolabengoa, Igor Elortza eta Xumai Murua; asteartean Aroa Arrizubieta, Julen Zulaika, Aitor Sarriegi eta Nerea Ibarzabal; asteazkenean Manex Agirre, Asier Rubio, Unai Iturriaga eta Oihana Iguaran eta ostegunean Oihane Perea, Peru Abarrategi, Julio Soto eta Miren Amuriza.

Abiatzera doaz Gasteizko jaiak eta aurten ere bertsoak bere lekua izango du. Egunero-egunero bertso jaialdiak izango dira Aihotz plazan, eguerdiko 13:30ean hasita.

Igandean Maialen Lujanbio eta Aitor Mendiluze jardungo dira kantuan Aintzane Irazusta aurkezle dutela.

Astelehenean Andere Arriolabengoa, Izar Mendiguren, Igor Elortza eta Xumai Murua ariko dira bertsotan Beñat Garaiok gidatuta.

Asteartean, Nieves del Alamo gai-jartzaile dela, Aroa Arrizubieta, Julen Zulaika, Aitor Sarriegi eta Nerea Ibarzabal dira kantatzekoak.

Asteazkenean Manex Agirre, Asier Rubio, Unai Iturriaga eta Oihana Iguaran aterako dira oholtzara Maialen Kortabarriaren esanetara.

Azkenik, ostegunean, Oihane Perea, Peru Abarrategi, Julio Soto eta Miren Amuriza jardungo dira bertsotan Oier Suarez gai-jartzaile dutela.