Gazte Sariketak 2018-09-19

Hernandorena Sariketako bigarren kanporaketa Donapaulen

Hernandorena Sariketako bigarren kanporaketa jokatuko da ostiralean Donapaulen. Irati Alcantarilla, Txaber Altube, Jokin Bergara, Jon Gurrutxaga Urbieta, Sarai Robles eta Ane Zuazubizkar Iñarra ariko dira kantuan, Aldaka gaztetxean, 21:00etan.

Asier Galarza eta Aitor Servier finalera
Aurreko ostiralean jokatu zen lehen kanporaketa Hendaian Peru Abarrategi, Elixabet Etxandi, Asier Galarza, Paule Ixiar Loizaga, Unai Mendiburu eta Aitor Servier kantuan zirela. Asier Galarza eta Aitor Servierrek lortu zituzten finalerako lehen bi txartelak.

Azken saioa Baigorrin, irailaren 28an
Hernandorena Sariketak hiru kanporaketa izango ditu eta irailaren 28an izango da azkena, Baigorrin: Maialen Akizu, Aitor Bizkarra, Joanes Illarregi, Lurdes Ondaro, Eli Pagola eta Maddi Sarasua Laskarai ariko dira bertsotan, Bixentenian, 21:00etan.