Bizkaiko Bertsolari txapelketa 2018-10-10

Santurtzin bigarren kanporaketa, igandean

Gernika-Lumotik Santurtzira joango da Bizkaiko Bertsolari Txapelketa aste honetan. Bostetik bigarren kanporaketa jokatuko da eta irabazleak finalaurrekoan kantatzeko txartela eskuratuko du. Honako sei bertsolari hauek ariko dira oholtzan, Serantes kultur aretoan, 17:00etan hasita:

Arrate Illaro Etxebarria
Ekaitz Larrazabal Gutierrez ‘Katxo’
Eneko Abasolo Txabarri ‘Abarkas’
Imanol Arrutia Azkueta
Iñaki Iturriotz Zuluaga
Malen Amenabar Larrañaga

Kanporaketetako fasean bertsolariek egin beharreko lanak

Bertsolari bakoitzak hamairu bertso puntuagarri botako ditu:

-Zortziko nagusian ofiziotan hiruna bertso
-Zortziko txikian ofiziotan hiruna bertso
-Puntua emanda bertso bi zortziko txikian
-Hamarreko txikian ofiziotan hiruna bertso
-Bakarkako lana: gai bati buruz bertso bi, doinu eta neurri librean
Kanporaketa fasearen ostean finalaurrekoak jokatuko dira, eta azkenik, abenduaren 15ean jokatuko da finala.

Sarrerak internetez eta takilan
Kanporaketarako sarrera www.bertsosarrerak.eus gunean egongo dira eskuragarri eta baita saioaren egunean ere 16:00etatik aurrera.