Arabako Bertsolari Txapelketa 2019 2019-02-21

Aramaion erabakiko dira Arabako finalaurrekoak

Xabi Igoa, Manu Bendala, Unai Anda, Peru Abarrategi eta Andere Arriolabengoa ariko dira kantuan. Larunbatean, kultur etxean, 17:30etan hasita.

Arabako Bertsolari Txapelketako lehen faseko azken saioa jokatuko da larunbatean Aramaion. 17:30etan hasita, honako seikote hau ariko da kantuan kultur etxean:

Xabi Igoa Eriz
Manu Bendala Garcia-Donas
Unai Anda Delika
Beñat Garaio Mendizabal
Peru Abarrategi Sarrionaindia
Andere Arriolabengoa Bengoa

Hurrengo faserako sailkapena erabat puntuen araberakoa da eta beraz saio ondoren erabakiko dira bi finalaurrekoetako taldeak. Dena den, behin-behineko sailkapeneko sei aurrenekoak dagoeneko matematikoki sailkatuta daude: Iñaki Viñaspre, Manex Agirre, Oihane Perea, Aroa Arrizubieta, Paula Amilburu eta Rikardo Gonzalez de Durana.