'Hegotik Iparrerantz' 2019-03-14

Aitor Sarasuaren ibilbidean oinarritako ekitaldia Aretxabaletan larunbatean

Aitor Sarasua Maritxalar zenaren ibilbidea oinarri izango duen ekitaldia antolatu dute larunbat honetarako Aretxabaletan. 18:00etan da hitzordua, Ibarra kiroldegian. Bertsoa, kantaldia, dantza eta antzerkia bilduko dituen ikuskizuna izango da, Hegotik Iparrerantz goiburupean. Ibarra

Ekitaldian Miren Artetxe, Andoni Egaña, Amets Arzallus eta Ainhoa Agirreazaldegi ariko dira bertsotan. Bertsolariez gain, oholtzan izango dira Anje Duhalde, Mixel Ducau, Caroline Phillips, Maitena Beheran eta Xebastian Sedez musikariak eta Ildoka antzerki taldea ere.

Ikuskizunak Von Hippel Lindau sindromearen ikerketak bultzada eman nahi dio
Aitor Sarasuaren inguruko ekitaldi honek badu helburu Von Hippel Lindau sindromearen ikerketak bere garapenerako bultzada ere. Ezaugarri genetikoek sortutako gaitza da Von Hippel Lindau sindromea, gorputzean hainbat tumoreen hazkundea eragiten duena. 36.000 pertsonen artean bakarrari eragiten dio sindrome honek eta horregatik egiten du bere detekzioa eta tratamendua hain zaila,  oso gutxi ikertu baita gaitzaren inguruan.

Hori horrela, 2018. urtean, Sendabide elkartea sortu zen, VHL sindromea daukaten pertsonen elkargune izatea, ezagutza eta sentsibilizazioa sustatzea eta gaixotasunaren ezagutzan eta tratamenduan aurrera egiteko ikerketa proiektua bultzatzeko helburuekin.