EHBT26
Julio Soto, finaletik urrats bakarrera
Julio Soto Ezkurdiak irabazi du Miarritzeko saioa 733,5 puntu batuta eta urrats sendoa eman du Euskal Herriko finalera lehen aldiz sartzeko. Sustrai Colina Akordarementeria, Maddi Ane Txoperena Iribarren, Oier Etxeberria Zubimendi, Maddalen Arzallus Antia eta Andoni Rekondo Izagirre izan ditu kantukide. Ekhi Erremundegi Beloki izan da gai-emailea. Miarritzekoarekin amaitu da finalaurrekoen lehen itzulia eta erabakita geratu dira bigarren itzuliko saioak. Txapelketa azken txanpan sartu da.
Podcasta
Lierni Elortza Puyadena, Bertsolari Bertsozalen gonbidatu
Lierni Elortzak ez zuen bertsoa etxetik jaso, baina unibertsitate garaian zaletu bazen zaletu, haren bizitzako ardatzetako bat izan da bertsoa. Segura Irratian bertso saioak onduz, Bertsozale Elkartean hamaika lan eginez eta Seguratik Azkainera bizitzera joanda, Ipar Euskal Herrian txapelketen bueltan epaile, gai jartzaile zein idazkari aritutakoa da. Bertso bizipen interesgarria Elortzarena, Bertsolari Bertsozale podcastaren 139.a.
EHBT26-Gernika
Aitor Mendiluze: "Ibilbide bat daramazunean zalantza izaten da zer berri eskaini dezakezun"
Gernikako saioa irabazi zuenetik egun batzuk igaro eta gero, Bertsoa.eus-ek elkarrizketa egin dio Aitor Mendiluze Gonzalezi. Saioaren errepaso patxadatsua egin dugu andoaindarrarekin eta izena ematerakoan izan zituen zalantzez, esperientziak duen balioaz eta Txapelketan dituen helburuez hitz egin dugu, besteak beste. Elkarrizketa osorik entzungai duzue.
Bideopodcasta
Bidegurutzean bideopodcastaren bosgarren atala eskura
Hizkuntza eta kulturaren arteko harremanaz, hizkuntzaren biziberritzean kulturak duen paperaz, euskaldun izatearen kontzeptuaz... ur sakonetan murgilduko dira atal honetan Manex Agirre Arriolabengoa bertsolaria eta Eneko Barbenera Mondragon idazlea. Ohi bezala, Onintza Legorburu Larreak egin ditu gidari lanak. Bidegurutzean egin ditugun orain arteko bost saioak podcasten atalean dituzue.
Ikus-entzunezkoa
Xalbador, 50 urteek isildu ez duten oihartzuna
Mende erdia da Fernando Aire Etxart “Xalbador” hil zenetik. Urteurrenaren bezperan Bertsoa.eus-ek lau mugarritara ekarri zuen urepeldarraren bertso bide emankorra, artxiboetako irudiak arakatuz. Gure aitortza xumea bertsolaritzaren eta euskal kulturaren ikur handietako bati.
Zortziko handia. Agin Laburu eta Joanes Illarregi
2026-11-07 Gernika-Lumo
Bukaerako agurra. Nerea Ibarzabal
2026-10-31 Eibar
Bukaerako agurra. Amets Arzallus
2026-10-24 Lekunberri (N)
Koplaka. Julio Soto eta Eki Mateorena
2026-10-20 Betelu
Librean. Xabat Illarregi eta Maider Arregi
2026-10-17 Zaldibia
Zortziko txikia. Gorka Pagonabarraga eta Agin Laburu
2026-10-11 Agurain
Ganbara. Andoni Rekondo
2026-10-10 Gotaine-Irabarne
Zortziko Handia. Amaia Iturriotz eta Oihana Bartra
2026-10-04 Tolosa
Berriak
EHBT262026-11-14
Julio Sotok iparorratza aurkitu du Miarritzen
Julio Soto Ezkurdiak batu ditu puntu gehien Miarritzeko Jai-Alai pilotalekuan, 733,5 punturekin lehen finalerako urrats sendoa emanez. Azken agurrean esan duenez, “bihotzez miresten dut nik hegotik iparra” eta esan liteke urteetan bila aritu ostean Miarritzen aurkitu duela Sotok finalerako iparorratza. Miarritzeko saioko seitik hiruk egin dute bigarren itzulirako jauzia.
