EHBT26
Miren Artetxe lehena Hazparnen, begiak ortzimugan jarrita
"Begiak ortzimugan eta oinak lurrean" kantatu du lehen bertsoan hendaiarrak, eta horrela sumatu dugu Hazparnen, Euskal Herriko bertsolari txapelketari hasiera eman dion saioan. Maddi Ane Txoperena, Xabat Galletebeitia, Unai Anda, Peru Abarrategi eta Ekhi Mateorena izan dira hurrenez hurren sailkapena osatu dutenak.
EHBT26
Txapelketari jarraipen zabala egiteko prest
Gaur hasi da Hazparnen Euskal Herriko bertsolari txapelketa 2026. Bertsoa.eus atarian, saioetako kronikak, adituen iritziak, bertsolarien adierazpenak eta noski, bertsoaldi guztiak batuko ditugu.
Bideo Podcast berria
Bidegurutzean bideo podcastaren lehen atala eskura duzue Bertsoan
Artea neurtu daiteke? Epaitu? Lehia bihurtu? Bertsolaritzan behin eta berriz agertzen diren galdera horietatik abiatu da Bidegurutzean bideo podcasta. Unai Iturriaga eta Oier Zuñiga elkartuko dira lehen atalean. Lehen atal horrek eman dio hasiera zortzi saioko ibilbideari. Hamabostean behin, ostegunetan, solasaldi berri bat argitaratuko da.
Udako bertso uzta
Lakuntzako eta Hondarribiko jaialdiak, Bertsoan eskura
Oraindik udan gaudela gogoratuz, abuztu amaieran, Lakuntzan eta Hondarribian egin ziren bertso jaialdietakoko hautaketa sarean da. Lakuntzan, Ekhine Zapiain Arlegi, Alaia Martin Etxebeste eta Eneko Lazkoz Martinez aritu ziren kantuan, Ibai Hernaiz Ormaetxearen esanetara. Hondarribian aldiz, Karlos Aizpurua Etxartek gaiak jarrita, Maialen Lujanbio Zugasti, Xabat Illarregi Marzol, Nerea Ibarzabal Salegi eta Miren Aizpurua Plaza izan ziren oholtza gainean.
Bertso jarriak
Lazkao Txiki bertso-paper lehiaketako sorta irabazlea entzungai Bertsoan
Ekaitz Goikoetxea Asurabarrenak irabazi du 35. Lazkao Txiki bertso-paper lehiaketa "Zuri" izeneko sortarekin. Zaintza lanetan ari den emakume migrante baten paperetik ondu du sorta Goikoetxeak.
Bertso-jarriak
Basarri bertso-paper lehiaketako sorta irabazlea, Uxue Alberdi egileak kantatuta
Uxue Alberdi Estibaritz-ek eskuratu du 42. Basarri bertso-paper lehiaketako lehen saria. "Autoan" izeneko sorta ederra da, egilearen beraren ahotsean entzun ditzakegun bertso-jarriak.
Berriak
EHBT262026-09-19
Miren Artetxek, erran eta egin
2026ko txapelketa martxan da jada. Arratsaldeko bostetarako itxura ederra zuen Hazparneko Mendeala aretoak eta Txapelketako lehen bertso saioak erantzun dio jendearen goseari.