Azpeitian jokatu zen atzo finala
Adei Urbitarte Gipuzkoako Eskolarteko txapeldun
Felix Irazustabarrenaren eskutik jaso zuen txapela Motxian bertso-eskolako zarauztarrak. Kattalin Arabolaza oiartzuarra gelditu zen bigarren. Biak ariko dira Euskal Herrikoan Gipuzkoako ordezkari. Idatzizkoa ere Urbitartek irabazi zuen.
Finala maiatzaren 30ean Aian
Gipuzkoako Herriarteko finalaurrekoak erabakiko dira ostiralean eta larunbatean
Ostiralean, Hernanin, Txingudiko taldea eta hernaniarrak ariko dira kantuan. Larunbatean, Soraluzen, Leintz eta Debabarreneko Xarmaginak taldea.
Elikagunean, 19:30etan afaria eta ondoren saioa
Gipuzkoako Eskolarteko final berritua ostiralean Azpeitian
Zortzitik sei bertsolari berriak dira finalean. Txapelduna eta txapeldunordea Euskal Herriko finalera sailkatuko dira.
vi. edizioa da aurtengoa
Talde berri batek heldu dio Señora Sariketari, filosofia eta oinarriei eutsita
Banakako formatura itzuliko da berriz Señora. Sei bertsolariko bi kanporaketa eta finala izango ditu: Hendaian eta Zizur Nagusian kanporaketak; Plentzian finala ekainaren 6an. Saio guztiak gaztetxeetan dira.
Apirilaren 25ean kanporaketak eta finala
II. Bertsolari Beteranoen Sariketea Orozkon
Zortzi bertsolari ariko dira kantuan: Iratxe Ibarra, Juanjo Respaldiza, Kristina Mardaras, Nahikari Gabilondo, Oihane Perea, Manolo Arozena, Serapio Lopez eta Bittor Elizagoien.
Eskkolarteko txapelketak abian
Nafarroako Eskolarteko Txapelketako finala ostiralean Leitzan
14-18 urte bitarteko hamar bertsolari gazte ariko dira kantuan Atekabeltz gaztetxean, 18:30etan. Lehen bi sailkatuak Euskal Herriko finalera sailkatuko dira. Apirilaren 24an Gipuzkoako finala jokatuko da Azpeitian.
Euskal Herriko Bertsolari Txapelketa udazkenean
Euskal Herriko Txapelketako oinarria %42 berritzeko bidean
Herrialdeetako txapelketetan jokoan zeuden 42 txarteletatik 18 Euskal Herrikoan lehen aldiz kantatuko duten bertsolariek eskuratu dituzte. Ordezko postuan gelditu diren bostak Euskal Herrikoan kantatu gabeak dira. Behin-betiko zerrenda izen-emateak argituko du.
2026: Euskal Herriko Txapelketako urtea
Euskal Herriko Txapelketan kantatzeko 50 txarteletatik 41 erabakita, Xilaba eta Arabakoen faltan
Datua: herrialdeko txapelketatik datozen bertsolarien ordezkaritza % 40 inguru berrituko da. Martxoan argituko da parte hartzeko eskubidea duten bertsolarien zerrenda, Arabako finala jokatzean.
Bertsoa.eus-en zabalkunde datuak - 2025
2025ean Bertsoako edukiek 5.000.000 ikustaldi izan dituzte webgunean eta sare sozialetan
Zabalkundeak instagramen izan du gorakadarik handiena eta webguneko trafikoa zertxobait apaldu egin da. 2025ean 2.000 eduki argitaratu ditu.
Adimen Artifiziala bertsolaritzan
Adimen artifizialaren aukerak bertsolaritzako informazio antolaketan eta gizarteratzean
Adituek hor ikusten dute balizko ekarpen nagusia. Bai hizkuntzari lotutako adimen artifizialari dagokionez (itzultzaile automatikoak, transkribatzaileak... eta beste) eta baita informazio multzo handi bati lotutako adimen artifizialari dagokionez ere.
Berriak
Adei Urbitarte Ayestaran - Gipuzkoako Eskolarteko txapelduna2026-04-28