"Lazkao Txiki" gogoan, jaiotzaren mendeurrenean

Ostiral honetan hasita, ekitaldi sorta antolatu dute Lazkaoko Udalak, Goierriko bertsozale elkarteak eta Gerriko kultur elkarteak.

Udako bertso agenda

Iraila iritsi arren, udako bertso errota ez da eten

Iraileko lehen astean 19 bertso saio izango dira Euskal Herriaren luze zabalean.

'Xalbador, Urepeleko artzaina' Getxo Folk jaialdian

Xalbadorren omenezko ikuskizuna Getxon irailaren 13an

Aire Ahizpak taldeak, Xalbadorren bilobak, haren bertsoak kantatuko ditu; Xabier Amuriza eta Amets Arzallus ariko dira bertsotan. Urepeleko bertsolariaren bizitza eta sorkuntza bilduko ditu ikuskizunak, haren heriotzaren 50. urteurrenenean. Irailaren 13an da eta sarrerak salgai daude.

Sariketak

Lizardi sariko finala ostiralean

50. ediziora iritsi da bertsolari gazteei zuzendutako Lizardi saria. Zarauzko bertso eskolak Zarauzko Udalaren laguntzaz antolatutako ekimenak azpimarratzeko ibilbidea egin du bost hamarkadetan zehar. Aurreko asteetan 16 bertsolarik bi kanporaketa jokatu ostean, ostiral honetan, irailaren 4an jokatuko da finala. 22:00etan izango da Zarauzko Modelo aretoan. Martin Abarrategi Sarrionandia, Maddi Aiestaran Iparragirre, Haira Aizpurua Ibargarai, Bittor Altube Sarrionandia, Haizea Arana Cardenal eta Irantzu Idoate Funosas ariko dira kantuan.