EHBT26
Nerea Elustondok bikain lur hartu du Txapelketan
Nerea Elustondo Plazaolak irabazi du lehen faseko azken saioa Aguraingoa. Zortziko txikiko paperean egokitu zaionaren aurka, beldurrik gabe egin dio aurre Txapelketako lehen hegaldiari. Gorka Pagonabarraga Agorria, Asier Azpiroz Iztueta, Agin Laburu Rezola, Aissa Intxausti Aburruza eta Irantzu Idoate funosas sailkatu dira legazpiarraren atzetik. Finalerdiak erabakita geratu dira.
EHBT26
Xabat Illarregik ez du Txapelketa amaitzeko presarik
Puntu erantzunetan Txapelketa bukatzeko presa duela esan badu ere, egiten ari zen horretan kontzentratuta eta bertsoz bertso puntuak batuz lortu du lehen lekua Gotaine-Irabarneko saioan. Andoni Rekondo Izagirre, Aitor Etxebarriazarraga Gabiola, Unai Mendizabal Jauregi, Onintza Enbeita Maguregi eta Ekhine Zapiain Arlegi izan ditu kantukide erabat bete den Gotaineko Herriko gelan.
EHBT26
Gotaine-Irabarne eta Agurain lehen fasearen itxieraren lekuko izango dira
Bertsoa.eus bi saioetan izango da eta ondoren eskura izango dituzue saioetako kronikak, bertsoaldiak, bertsolarien adierazpenak eta baita adituen iritzia ere. Gotaineko saiorako sarrerak agortu dira, Agurainerako eskuratu nahi izatera www.bertsosarrerak.eus atarian duzue aukera.
Podcasta
Beñat Ugartetxearen bertso bizipenak, Bertsolari Bertsozalen
Ostiralero ale berri batekin datorkigu Bertsolari Bertsozale podcasta, bertso munduko hainbat lagunek bertsolaritzarekin duten harremanean sakondu asmoz. Beñat Ugartetxea Ostolaza da oraingoan protagonista. Etxetik bertsoaren iturritik edana, Jon Lopategiren ikasle izana, 13 urte betetzerako egin zuen lehen plaza. Gehiago jakin nahi izatera entzun Bertsolari Bertsozaleren 134. atala. Podcasten atalean duzue.
Bizkaiko Bertsozale Elkartearen ekimenez
"Danon Plaza", bertsolari gazteak plazaratzeko egitasmo berritzailea Bizkaian
Gaur, urriaren 8an jarriko da martxan "Danon Plaza" egitasmoa Larrabetzun eta Markinan egingo diren bertso saioekin. 18 urtez azpiko eta 18-25 urte bitarteko bina bertsolari Bizkaiko finalista batekin plazaratuko dira, lehiatik aparteko bertso plaza eskainiz gazteei. Bizkaiko zortzi herritan egingo dira saioak urrian. Ander Elortegi Bizkaiko Bertsozale Elkarteko proiektu arduradunak eman dizkigu azalpenak.
Berriak
EHBT262026-10-11
Nerea Elustondo, hortzak zorroztuta Eibarrera bidean
Nerea Elustondo Plazaolak irabazi du lehen faseko azken saioa leporaino bete den Aguraingo Lezao kiroldegian. Tentsioari aurre egin eta saioari eusten asmatu dute Elustondok eta kantukideek. Gorka Pagonabarraga Agorria, Asier Azpiroz Iztueta, Agin Laburu Rezola, Aissa Intxausti Aburruza eta Irantzu Idoate Funosas sailkatu dira legazpiarraren atzetik.