Bideo Podcast berria
Bidegurutzean bideo podcastaren lehen atala eskura duzue Bertsoan
Artea neurtu daiteke? Epaitu? Lehia bihurtu? Bertsolaritzan behin eta berriz agertzen diren galdera horietatik abiatu da Bidegurutzean bideo podcasta. Unai Iturriaga eta Oier Zuñiga elkartuko dira lehen atalean. Lehen atal horrek eman dio hasiera zortzi saioko ibilbideari. Hamabostean behin, ostegunetan, solasaldi berri bat argitaratuko da.
Euskal Herriko bertsolari txapelketa 2026
Hazparnetik Iruñerako bertso bidea abiatzear da
Oraindik ez da lehenengo bertsoa puntuatu. Ez dago sailkapenik, ezta saio baten aurreko ohiko tentsiorik ere. Baina Txapelketa hasi dela sumatzen da dagoeneko. Bertsolariak, gai-jartzaileak, epaileak eta antolakuntzako kideak elkartu dira Azpeitiko Sanagustin kulturgunean, 2026ko Euskal Herriko bertsolari txapelketaren aurkezpenean.
Udako bertso uzta
Lakuntzako eta Hondarribiko jaialdiak, Bertsoan eskura
Oraindik udan gaudela gogoratuz, abuztu amaieran, Lakuntzan eta Hondarribian egin ziren bertso jaialdietakoko hautaketa sarean da. Lakuntzan, Ekhine Zapiain Arlegi, Alaia Martin Etxebeste eta Eneko Lazkoz Martinez aritu ziren kantuan, Ibai Hernaiz Ormaetxearen esanetara. Hondarribian aldiz, Karlos Aizpurua Etxartek gaiak jarrita, Maialen Lujanbio Zugasti, Xabat Illarregi Marzol, Nerea Ibarzabal Salegi eta Miren Aizpurua Plaza izan ziren oholtza gainean.
Bertso jarriak
Lazkao Txiki bertso-paper lehiaketako sorta irabazlea entzungai Bertsoan
Ekaitz Goikoetxea Asurabarrenak irabazi du 35. Lazkao Txiki bertso-paper lehiaketa "Zuri" izeneko sortarekin. Zaintza lanetan ari den emakume migrante baten paperetik ondu du sorta Goikoetxeak.
Gazte sariketa
Haizea Aranaren buruan da 2026ko Lizardi sariko txapela
Bertsokera bizi eta ausarta erakutsiz, Haizea Arana Cardenal da Lizardi sariko aurtengo txapelduna. Puntu eta erdiko aldea atera dio bigarren izan den Haira Aizpurua Ibargarairi. 50. edizioa bete du bertsolari gazteei begira antolatzen den sariketa honek eta osasuntsu dagoela erakutsi du finalerako Modelo aretoa erabat bete izanak.
Bertso-jarriak
Basarri bertso-paper lehiaketako sorta irabazlea, Uxue Alberdi egileak kantatuta
Uxue Alberdi Estibaritz-ek eskuratu du 42. Basarri bertso-paper lehiaketako lehen saria. "Autoan" izeneko sorta ederra da, egilearen beraren ahotsean entzun ditzakegun bertso-jarriak.
Berriak
Atal berria Bertsoan2026-09-17
Podcasten atala martxan berrikuntza ugarirekin
Bertsoak Podcasten atala sortu du, orain artekoak eta berriak bertan batu eta bertsozaleari edukiak entzuteko aukera berriak eskaini asmoz.