Ignacio Aldekoa Kultur Etxean 2010-06-17

"Erregea eta Bufoia" gaur Gasteizen

 Denbora da jada "Erregea eta Bufoia" emanaldia egiten hasi zirenetik. Unai Elizasuk gidatuta, Ander Lipus aktorea bertsolari bat baino gehiagorekin aritu da.

 Saioaren filosofia honakoa da: bertsolaria beti sentitu izan da eroso oholtzan, beti izan da erregea. Ander Lipusek, ordea, erregetza hori zalantzan jarri nahi du. Hala, bertsolariarekin batera aritzen da gai-jartzaileak jarritako gaiei erantzuten: ofizioka, bakarka, puntuka... Kantatu beharrean, ordea, hitzez erantzuten dio gaiari, une bakoitzean pertsonaia bat aukeratuta.

 Gaur Gasteizen egingo dute emanaldia, Ignacio Aldekoa Kultur Etxean, iluntzeko 20etan hasita. Ander Lipusekin batera, Andoni Egaña ariko da Unai Elizasuren aginduetara.

• 
•