Xiberua, Lapurdi eta Baxenabarreko Xapelketa 2010-10-02

Saran gaur eabakiko dira finalaurreak

Jada bukatzera doa Xiberua, Lapurdi eta Baxe Nafarroako Xapelketako lehenengo fasea. Une honetan Odei Barroso eta Kristiñe Txoperena -irabazleak- eta Patxi Iriart eta Xumai Murua -bigarrenak- dira finalerdietarako txartela lortu dutenak. Larunbat honetan jokatuko dute hirugarren kanporaketa, Saran. Honako bertsolari hauek ariko dira kantuan:

 Ekhi Erremundegi
 Mixel Aire "Xalbador II"
 Bixente Luku
 Eneritz Zabaleta
 Maindi Murua
 Xan Alkhat

 Saioa iluntzeko 20etan hasiko da Lur Berri aretoan.

 Ekhi Eremundegi finalean aritu zen orain dela bi urteko txapelketan, eta saio ona osatu zuen han. Mixel Aire "Xalbador II" txapelketako bertsolaririk beteranoena da, lehendik ere txapelketetan zaildutakoa. Orain bi urte oso aho-zapore gozoa utzi zuen. Eneritz Zabaleta ere aritu zen orain dela bi urteko txapelketan, eta badu eskarmentua bertsotan. Xan Alkhatek orain dela bi urte eman zuen txapelketan kantatzeko pausua. Bixente Lukuk eta Maindi Muruak, berriz, lehenengo aldia izango dute aurtengoa.

• 
•