Bertso-saioa Elgoibarren 2011-03-10
Ez da kasualitatea
"Ez da kasualitatea", izenburu horixe jarri zioten pasa den ostiralean Elgoibarren egin zuten bertso-saioari. Onintza Enbeita, Uxue Alberdi, Ainhoa Agirreazaldegi, Jone Uria eta Beñat Gaztelumendi aritu ziren kantuan.
Bertsoaldi batzutan gitarra lagun zutela, oso bertso-saio polita osatu zuten bost bertsolariek. Iraia Elias eta Unai Muñoaren arteko elkarrizketa izan zuten bertsotarako gai: bikote-harremanak, amatasuna, lehenengo aldia... Hemen dituzue bertsoaldi onenak ikusgai eta entzungai.
