Martxoan Bertsoa 2011-03-11

Asteburu honetan beste bi kanporaketa jokatuko dira

 Aurrera doa Martxoan Bertsoa. Zumarraga-Urretxuko bertso-eskolak antolatzen duen ekimena da, ekitaldi bat baino gehiago biltzen dituena. Tartean, herriko taldekako txapelketak leku handia betetzen du. Asteburu honetan bi kanporaketa izango dira.

 Gaur Urretxuko Aldiri tabernan egingo da saioa, gaueko 23etatik aurrera. Hiru talde lehiatuko dira bertan:

 -Antton Fernandez, Uxue Fernandez eta Jorge Andueza "Pitu"
 -Manex Mantxola, Aitor Lizarazu "Ginz" eta Gorka Santesteban
 -Amaia Iturriotz, Mikel Iturriotz eta Ekain Aseginolaza

 Bihar Ezkio-Itsasoko Igartubeiti baserrian egingo da saioa, iluntzeko 19etan. Bertara joateko joan-etorriko autobus zerbitzua antolatu dute. Arratsaldeko 18:30etan abiatuko dira Zumarragako parrokiatik. Igartubeitin beste hiru talde ariko dira kantuan:

 -"Oilarrak": Asier Sasieta, Gorka Sasieta eta Gorka Elgarresta
 -"Gabiri2": Jokin Murua, Oier Oiarbide eta Gorka Maiz
 -"Zoropo maite zaitugu": Asier Auzmendi, Maialen Akizu eta Edurne Plazaola

 Saioaz gain aurtengo sagardoa probatzeko aukera izango da, pintxoekin eta trikiti doinuekin lagunduta.

• 
•