DF Bertsozale Eskola egingo da Durangon 2012-05-02

'10 segundo, 11 erabaki' hitzaldia emango du gaur Lujanbiok Durangon

Maialen Lujanbiok hasiko ditu bihar DF Bertsozale Eskolako ekitaldiak '10 segundo, 11 erabaki' hitzaldiarekin. Lan ordu luzeetan egindakoa instante laburretan nola sarrarazi azalduko du txapeldun hernaniarrak, Plateruena Kafe Antzokian iluntzeko 19:30etan.

Biharko ekitaldiaz gain, DF Bertso Eskolak honako egitarau hau dakar laugarren edizioan:

 Maiatzaren 10etan Unai Iturriaga ariko da hizlari lanetan, "Umorea epaitzen: zeri egiten diogu barre txapelketetan" izeneko hitzaldiarekin.

 Maiatzaren 17an egingo da hirugarren saioa. Asier Ibaibarriagak gidatuko du "Bertsoa epaitu liteke" izeneko hitzaldia.

 Azkeneko hitzaldia maiatzaren 24an egingo dute: "Bertso trama prestatzen". Josu Goikoetxea ariko da hizlari lanetan.

 Jardunaldiak borobiltzeko, bertso trama egingo dute maiatzaren 31n. Igor Elortza, Jon Maia eta Oihana Bartra ariko dira bertsotan.

 Jardunaldietan parte hartu nahi izanez gero maiatzaren 3a baino lehen eman behar da izena Plateruena Kafe Antzokian edo kultura@plateruena.net helbidean. Matrikula 10 eurotan jarri dute.

• 
•