Gipuzkoako Eskolartekoa 2014-03-20

Zumarragan Gipuzkoako eskolartekoa

Gipuzkoako eskolarteko hirugarren kanporaketa jokatuko da gaur, ostirala, Zumarragan, Zarautz eta Lasartekoaren segidan. Idatzizko lehiaketa, umeekin saio didaktikoa eta 15 urtez gorakoen arteko bat-bateko txapelketak osatuko dute ekitaldia. Idatzizkoan, Zelai-Arizti kultur etxean 200 ikasle elkartuko dira, sei ikastetxeetakoak: Urretxu-Zumarraga Ikastola, Gainzuri, Oñatiko Ikastola, Oñatiko bertso eskola, Legazpiko Ikastola eta Domingo Agirre eskola.

Saio didaktikoan, berriz, Nerea Elustondo eta Amaia Iturrioz arituko dira Zumarraga-Urretxuko eta Legazpiko talde banarekin. Saio hau ere Zelai Arizti kultur etxean izango da.

Bat-bateko txapelketa
Iluntzean, bat-bateko txapelketaren txanda izango da Ama Lur elkartean eta zazpi bertsolari gazte arituko dira: Ane Beloki (Legazpi), Maider Arregi (Oñati), Gontzal Belategi (Oñati), Mikel Tapia (Ataun), Paul Iruretagoiena (Ataun), Marixe Ruiz de Austri (Arrasate) eta Eneko Araiztegi (Segura). Nerea Elustondo arituko da aurkezle lanetan. Saioko irabazlea Gipuzkoako finalera sailkatuko da zuzenean.

 

• 
•