Gazte Sariktetak 2020-07-20

Xabat Illarregik irabazi du Erniarraitz sariketa

Xabat Illarregi leitzarra gailendu da X. Erniarraitz gazte sariketan. Udaberrian zen jokatzekoa baina uztailera atzeratu behar izanda, Azpeitiko Gaztetxean jokatu zen finala ostiralean. Sei finalistak: Jon Gurrutxaga, Maider Arregi, Ane Zuazubiskar, Xabat Illarregi, Oier Etxeberria eta Asier Galarza Muxi. Imanol Artola Felix aritu zen bertso-jartzaile lanetan. Illarregik 292,5 puntu atera zituen eta Eneritz Albizu Azpeitiko Udaleko Kultur Batzordeburuaren eskutik jaso zuen saria.

Jon Gurrutxaga azpeitiarra sailkatu zen bigarren 280 punturekin eta puntuazio bera eskuratu zuen hirugarren postua eskuratu zuen Maider Arregi oñatiarrak ere. Haren atzetik sailkatu ziren Ane Zuazubiskar (267,5 puntu), Oier Etxeberria (258 puntu) eta Asier Galartza (241,5 puntu), hurrenez hurren.

Bertso onenaren saria, gaztetxeko kideek hala erabakita, Jon Gurrutxagak jaso zuen. Azpeitiko Gaztetxearen izenean, Ekhi Etxeberriak eman zion bertso onenaren saria Gurrutxagari.

Finala osasun neurri zorretzak beteta jokatu zen.

(Argazkiak: Uztarria)