Bizkaiko Eskolarteko txapelketa 2020-10-15

Larunbatean jokatuko da Bizkaiko Eskolarteko txapelketako finala

Udaberritik udazkenera atzeratu bazen ere, 2020ko Bizkaiko Eskolartekoa ere aurrera doa eta zapatuan, urriaren 16an, izango da finala. Bat- bateko txapelketan guztira 28 bertsolarik hartu dute parte hiru kanporaketatan banatuta: Urriaren 6an Gernikan izan zen lehendabiziko saioa, urriaren 7an Durangon hurrena eta urriaren 9an Bilbon azkena.

Horrela gelditu da osatuta finaleko zortzikotea:

• Irune Basagoiti
• Maider Altuna
• Izaro Bilbao
• Leire Vargas
• Amaiur Atxa
• June Diaz
• Sara Asenjo
• Jokin Ansotegi

Txapeldunak eta txapeldunordeak azaroaren 14ean Abadiñon izango den Euskal Herriko finalerako txartela lortuko dute. 

Aforoa mugatua izango da eta dagoeneko sarrera guztiak agortuta daude.

Idatzizko txapelketa

Aurtengo txapelketa ez da presentziala izan baina bertsolariek euren lanak email bidez bidaltzeko aukera izan dute. Larunbatean saridunen aipamena egingo da baina ez da aurreko urteetan bezala sari ematerik egingo finalaren egunean bertan.