Uranga, Bartra eta Gaztelumendik kantatu zuten 2009-09-21

30 entzule bildu ziren Debako bertso-afarian

 Uda hasi aurretik bertso-ikastaro bat eman zuen Iñaki Gurrutxagak Deban. Esperientzia horri jarraipena emate aldera, bertso-afari bat antolatzea erabaki zuten. Joan zen larunbatean izan zen bertso-afaria, eta honako bertsolari hauek kantatu zuten:

 Jokin Uranga
 Oihana Bartra
 Beñat Gaztelumendi

 30 bat entzule gerturatu ziren saioa jarraitzeko asmoz. Adin aldetik oso publiko anitza zen eta bertsolariek jokoa atera zioten horri. Gainera, momentu batean entzule bat bertso bat kantatzera animatu zen, eta hari ere jo zioten adarra.

 Saioak bi zati izan zituen. Lehendabizikoan librean aritu ziren bertsolariak. Inguruko jendeari adarra jotzen aritu ziren nagusiki. Debako bertso giroari buruz ere kantatu zuten.

 Atseden labur bat hartu ondoren ekin zioten bigarren zatiari. Iñaki Gurrutxagak jarritako gaiei kantatu zieten bertan. 40 bat minutuko saioa izan zen hau. Gai gehienak binaka kantatzekoak izan ziren arren, baziren hirunaka kantatzekoak ere. Saioa ondo joan zen, nahiz eta, agian, ez zen gehiegi lehertu.

• 
•