Festak zirela eta egin zen saioa 2009-09-28

200 bat lagun elkartu ziren atzo Urnietako saioan

 Jaiak ospatzen ari dira Urnietan. Egitarauaren barruan bertso-bazkaria izan zen atzo. Honako bertsolari hauek kantatu zuten:

 Beñat Gaztelumendi
 Unai Gaztelumendi
 Julen Zelaieta
 Uxue Alberdi

 Hasieran librean lau-bost buelta osatu zituzten bertsolariek, bazkaritako giroari buruz. Ondoren, Iker Iriarteren gaiekin beste zatitxo bat egin zuten. Akaso tarte honetako saiorik azpimarragarriena Uxue Alberdik atzekoei kantatuz osatutakoa izango zen. Uxue farmazialariaren paperean jarri zuen Iriartek, eta beste bertsolariak zeren bila joan zitzaizkion azaldu zuen. Ondoren, kopletan aritu ziren bertsolariak, zutik, publikoaren artean bueltaka, librean. Saio honek giroa berotutakoan gaiekin kantatu zuten berriro ere, ofizioka. Saioaren bukaera aldera herritar bat omendu zuten, eta omenaldiaren ondoren omenduari kantatu zioten bertsolariek. Azkenik, puntukako saio batekin bukatu zen bazkaria.

 Guztira 200 bat lagun elkartu ziren bazkarian, eta giro ona izan zen.

• 
•