Larunbatean zuzenean eta programa berezia igandean 2023-12-14

Hitzetik Hortzera Bizkaiko finalean

Hitzetik Hortzerak Bizkaiko Bertsolari Txapelketako finalaren gertuko jarraipena egingo du asteburuan. Larunbatean zuzenean emango du finala Bilbao Arenatik, ETB4an, 16:45etik aurrera: Bertan ariko dira kantuan Aissa Intxausti, Aitor Etxeberriazarraga, Goka Pagonabarraga, Jone Uria, Nerea Ibarzabal, Oihana bartra, Onintza Enbeita eta Xabat Galletebeitia. Ilaski Serrano ariko da aurkezle gisa eta Ainhoa Urien ariko da iruzkinak eta analisiak egiten.

Bizkaiko txapeldunaren hitzak zuzenean jasoko ditu Hitzetik Hortzerak

Ondoren, 21:00etatik 22:00etara, ETB1en saioaren bukaera eskainiko da: buruz burukora iritsi diren bi bertsolarien arteko saioa.

Igandean, finaleko hautaketa, txapeldunaren elkarrizketarekin
Finalaren biharamunean, abenduaren 17an, igandean, Hitzetik Hortzera berezia izango da 15:00etan ETB1n. Bilbao Arenako bertsoaldiak eta Mirari Martiarenak txapeldunari egindako elkarrizketa ikusteko aukera izango da.