Kontzejupean izango da saioa, iluntzeko 19:30etan 2009-10-31

Bertsolariak eta paiadoreak Oiartzunen ariko dira gaur

 Saio berezia egingo da gaur Oiartzungo Kontzejupean, iluntzeko 19:30etan. Jon Martin eta Arkaitz Oiartzabal "Xamoa" bertsolariak Wilson Saliwonczyk paiadore argentinarrarekin batera jardungo dira. Gaiak Egoitz Aizpuruk jarriko ditu. Alaia Martinek bertso-paperak kantatuko ditu.

 Paiadoreak bertsolarien parekoak dira, nahiz eta, orokorrean, nekazal kutsu handiagoa izan (Wilson Saliwonzcyk salbuespena da honetan). Wilson Saliwonczyk-ek Argentina utzi eta itzuli bat hasi zuen Europan barrena. Euskal Herrian lehenago ere izana da: Udako Ikastaroetan parte hartu zuen eta asteartean Algortan hitzaldi bat eman zuen. Horrez gain, Txapelketa Nagusia jarraitzen ari da.

 Aurtengo udan Egoitz Aizpuru eta Jon Martin Malagara joan ziren "Festival del Cante Improvisado" izeneko jaialdira. Han Wilson Saliwonczyk-ekin harremana egin zuten, eta esperimentatzeko gogoa sartu zitzaien.

• 
•