Bertso-saio bat egingo dute 2009-11-05

Gaur bukatuko da Bertsoaroa

 Gaur bukatuko da aurtengo Bertsoaroa Iruñean. Horretarako, bertso-saio bat egingo dute Gurutze Plazako Institutuko aretoan, iluntzeko 20etan. Honako bertsolari hauek kantatuko dute:

 Amets Arzallus
 Maialen Lujanbio
 Erika Lagoma
 Igor Elortza
 Andoni Egaña
 Julio Soto

 Gaiak Fernando Anbustegik jarriko ditu.

 Orain dela hiru aste pasatxo, urriaren 15ean, hasi zen Bertsoaroa. Era guztietako ekitaldiak izan ditu aurtengoak. Gaur arte bi bertso-saio izan dira, baina bestelakorik ere izan da. Urriaren 15ean "Internet Kafe" emanaldia egin zuten Kirmen Uribek eta Mikel Urdangarinek. Azaroaren 3an, berriz, Hedoi Etxartek eta Andoni Ercillak "Suzko Lilia" poesia errezitaldia egin zuten.

 Aurten, gainera, 25 urte bete dira Nafarroako Bertsozale Elkartea sortu zenetik. Nafarroako Bertsozale Elkarteak egun bizi duen egoeraz eta etorkizunaz aritu ziren urriaren 20ko mahai-inguruan.

• 
•