Eguerdiko 14etatik aurrera 2009-11-07
Xalbadorri buruz hitz egingo dute gaur Hitza Jolas saioan
33 urte beteko dira gaur Urepeleko bertsolaria hil zenetik. Mikel Mendizabalek osatuko du bederatzikoa eta Irungo saioa ere eskainiko dute.
Gaur 33 urte beteko dira Xalbador hil zenetik. Hori dela eta, tarte zabala eskainiko dio Hitza Jolas iratsaioak. Bere senitartekoekin hitz egin dute Xalbador zenari buruz gehiago jakiteko.Bestalde, Irungo Ficoban izan zen saioko unerik onenak ere eskainiko dituzte aste honetako programan. Andoni Egaña, Sebastian Lizaso, Maialen Lujanbio eta Uxue Alberdik kantatu zuten bertan. Bederatzikoa Mikel Mendizabalek osatuko du.
Azkenik, Fredi Paiak Txapelketa Nagusirari buruz idatzi duen artikuluaz ere ariko dira. Gaur izango da saioa, eguerdiko 14etan, Euskadi Irratian.
