Bertso-jartzaile moduan egin zen ezagun 2010-11-17

Inozentzio Olea Ariztimuño hil da

 Inozentzio Olea Ariztimuño hil zen joan zen ostiralean Legazpin. Larunbatean egin zioten hileta elizkizuna.

 1921eko abenduaren 28an jaio zen Zeraingo Mendarte baserrian eta 1950ean Legazpira joan zen bizitzera, Floren Agirrerekin ezkonduta.

 Bertsozaletasuna etxetik jaso zuen, amak bertso zaharrak kantatzen baitzizkion. Pixkanaka-pixkanaka bertsoak jartzen hasi zen bera ere. Hala, "Olerti" aldizkarian kaleratu zituen bere lehenengo lanak. Ondoren, bi liburu atera zituen Auspoarekin: "Goierriko Lorak" (1970) eta "Otemotxeko Arnasa" (1984). Horrez gain, El Diario Vasco eta Segura Irratirako zenbat artikulu egin zituen. 1994ko Bertsolari Egunean omendu zuten, Donostian.

• 
•