Afari-txoua Tolosan 2010-11-17
Marrazkilariak eta bertsolariak elkarlanean
Tolosaldeko Galtzaundi Euskara Elkarteak antolatuta, Afari-Txoua egin zuten pasa den ostiralean Asisko Urmeneta eta Dani Fano komikilariekin eta Bixente Gorostidi eta Iñaki Apalategi bertsolariekin.
Marrazkilariak eta bertsolariak elkarlanean aritu ziren Tolosako Iurre elkartean. Marrazkilariek marraztutakoari abestuz bertsolariak, eta bertsolariek abestutakoari marraztuz marrazkilariak. Bat-batekotasunaren "txoua" edo jaia izan zen ostiralekoa. Afarira gerturatu zirenak eta pertsonaia famatuak hartu zituzten mintzagai; nahikoa barre eginarazi zuten Asisko Urmeneta eta Dani Fano komikilariek eta Bixente Gorostidi eta Iñaki Apalategi bertsolariek.
