Astelehenean aurkeztuko dute, Durangon 2010-12-09

Bost aurpegi berriko finala BEC

Datorren astelehenean aurkeztuko dute Durangon Bizkaiko finala. Aurrekoarekin alderatuta bost aurpegi berri izango ditu, belaunaldi berri bat sartu da zortzikotean, eta azken finaletan ohikoak ziren bertsolariak finaletik kanpo gelditu dira. Onintza Enbeita, Miren Amuriza, Beñat Ugartetxea, Etxahun Lekue, Arkaitz Estiballes, Jone Uria, Peio Ormazabal eta Eneko Abasolo Abarkas dira zortzi sailkatuak. Amuriza, Uria, Abasolo, Ormazabal eta Ugartetxeak lehen aldiz kantatuko dute Bizkaiko final batean. Iratxe Ibarra eta Fredi Paia berriz, finaletan traiektoria handiko bertsolariak, finaletik kanpora gelditu dira aurtengoan.

Publikoak erantzun oso ona
Hiru finalerdiotan bertsozaleek oso erantzun ona eman diote txapelketari bai Durangon, bai Zornotzan eta bai Gernikan. Hiru saiotan 900-1000 lagun inguru ibili dira bakoitzean. Finala BEC-en izango da, abenduaren 18an eta Bertsoa.com-ek zuzenean emango du ekitaldia.

• 
•