Bertso-saioa Orion 2010-12-10
Jende asko Orioko jaietako urteroko saioan
Ibai Esoain, Beñat Gaztelumendi, Andoni Egaña, Maialen Lujanbio eta Amets Arzallus aritu ziren kantuan; eta Unai Manterola berriz, gai-jartzaile lanetan.
550 lagun inguru elkartu ziren pasa den astelehen gauean Orioko Karela kiroldegian. Kalean giro ona zegoen eta herritar asko hurbildu zen bertso-saioaz gozatzeko asmoarekin. Saio polita izan zen; herrikio jaietako bertso-saioetan gertatu ohi den moduan umoretik gehiago izan zuen seriotik baino. Hemen dituzue astelehen gaueko bertsoaldi onenak entzungai eta ikusgai.
