Bertso-saioa Zumarragan 2010-12-14

Luzio Gabiriaren omenez bertsotan

Pasa den larunbatean, Santa Luziako azokaren bezperetan izan zen bertso-saioa Zumarragan. Bertso-gosez izango ziren zumarragarrak, izan ere leporaino bete baitzen Zelai-Arizti aretoa. Bi orduko saioa osatu zuten, han elkartu ziren 300 bertsozaleak asetzeko-edo. Aurten 23.aldiz antolatu du Zumarraga-Urretxuko bertso-eskolak Luzio Gabiriaren omenezko bertso-jaialdia, eta urtero moduan puntako bertsolariak izan dituzte oholtza gainean: Maialen Lujanbio, Andoni Egaña, Unai Iturriaga eta Amets Arzallus.