Donostian, Dokan, 20:00etan 2011-09-16

'Bertsolaria bere bakardadean' emanaldien lehen saioa gaur

'Bertsolaria bere bakardadean' emanaldia gaur jarriko da martxan, Donosiako kafe antzokian, 20:00etan. Lehenengo saio honetan Egaña eta Elizasu izango dira protagonistak, ohiko jardunetik irten eta aukera berriak probatzea da ahalegin honen helburua. Bertsolaria gai berean bi paper defendatzen bere buruarekin elkarrizketak eginez, bakarka kantatzeko bi modu, kantua eta errezitaldia uztartuko dituen performancea... horiek eta gehiago dira seguruenik gaur Dokan gozatu ahal izango diren jardunetako batzuk. 
Datorren emanaldia urriaren 21-ean izango da, eta Jon Maia eta Josu Goikoetxea izango dira protagonistak.
 
Bertsolaria bere bakardadean emanaldi sortak, 10 saio izango ditu. Hona hemen 2011koak:

Irailak 16 Andoni Egaña eta Unai Elizasu
Urriak 21 ostirala, Jon Maia eta Josu Goikoetxea
Azaroak 3, osteguna, Amets Arzallus eta Unai Elizasu
Abenduak 23, ostirala, Maialen Lujanbio eta Josu Goikoetxea

• 
•