Bertso-saioa Zizurkilen 2011-09-16

Uda giroko azken saioak

Hilaren 8an izan zen bertso-saioa Zizurkilgo Joxe Arregi plazan. Han izan ziren bertsotan Amets Arzallus, Beñat Gaztelumendi, Maialen Lujanbio, Andoni Egaña, Iker Zubeldia eta Xabier Silveira.

Amaitzear da uda eta horrekin batera baita uda-giroko plazetako bertso-saioak ere. Zizurkilen pasa den ostegunean, hilak 8, izan zuten jaietako bertso-saioa. Jende ugari elkartu zen Joxe Arregi plazan afalaurreko saioan. Amaia Agirre aritu zen gai-jartzaile lanetan; eta Maialen Lujanbio, Andoni Egaña, Amets Arzallus, Beñat Gaztelumendi, Iker Zubeldia eta Xabier Silveira bertsotan.