Bertso-saioa Iruran 2011-09-27
Giro bikaina zegoen Irurako plazan igande arratsaldean, eguraldi ederra eta plaza betea. Bertso-saioaren aurretik Irura eta Anoetaren arteko triatloi-apustua jokatu zen eta hura ikusten zeuden gehienak geratu ziren bertsoez gozatzen, 300 bat lagun guztira.
Ordu bete inguruko saioa osatu zuten Maialen Lujanbio, Unai Agirre, Amets Arzallus eta Sebastian Lizasok. Ordu bete horretan Aitor Mendiluzek bertsolariei emandako gaiak herritarrek jarritakoak ziren. Azken asteetan hainbat buzoi jarri dituzte herriko tabernetan jendeak bertso-saiorako gaiak proposatzeko eta Aitor Mendiluzek horiek erabili zituen bertso-saioan, onak iruditu nonbait.
Saioa bizi hasi zen; aipatzekoa Amets Arzallus eta Unai Agirrek osatu zuten lehen ofizioko bertsoaldia. Azkenaldian hamaika manifestazio egiten ari direla-eta, Aitor Mendiluzek urrian egin asmo dituzten beste manifestazio batzuen berri eman zien Agirre eta Arzallusi, Guardia Zibilek Oñatin eta Gasteizen egin asmo dituztenak hain zuzen ere. Bertsoaldi polita osatu zuten hernaniarrak eta hendaiarrak.
Hortik aurrera, sakontasun gehiegirik eskatzen ez zuten gaiak izan zituzten batik bat. Hemen dituzue ikusgai eta entzungai bertsoaldirik onenak.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15