Izarne Zelaiaren "Bat-bateko jolasa" lanak aipamen berezia jaso du 2012-04-25
Amaia Artolazabalen "Printze Txikia" lana nagusi Iparragirre Bertso-Sormen lehiaketan
Joan zen ostiralean egin zuten sari-banaketa ekitaldia Zumarragako Zelai-Arizti kultur etxean. Denera 13 lan aurkeztu dira lehiaketara, eta antolatzaileek lanen kalitatea nabarmendu dute. Amaia Artolazabalen lanak bertsoa, arte plastikoak, irudia eta musika uztartzen ditu. Izarne Zelaiarenak, berriz, pintura eta bertsoa.
Joan zen ostiralean egin zen Iparragirre Bertso-Sormen lehiaketako sari-banaketa ekitaldia Zumarragako Zelai-Arizti kultur etxean. Bertsoa beste euskarri batzuekin lotzeko asmoz antolatu du lehiaketa Zumarraga-Urretxuko bertso-eskolak, aurten lehenengoz. Denera 13 lan aurkeztu dira, eta antolatzaileek lanen kalitatea nabarmendu dute.Lehenengo saria Amaia Artolazabalen "Printze txikia" lanak jaso du. Lanak bertsoa, arte plastikoak, irudia eta musika uztartzen ditu. Bere aldetik, Izarne Zelaiaren "bat-bateko jolasa" lanak aipamen berezia jaso du. Lan honek pintura eta bertsoa elkartzen ditu.
