Txapelarri tabernan 2013-04-17

Bertsokatu Txapelketako laugarren kanporaketa gaur

 Azkeneko txanpan da Gasteizen Kutxiko Katuek antolatutako Bertsokatu txapelketa. Gaur laugarren kanporaketa jokatuko da Txapelarri tabernan, iluntzeko 21etan hasita. Paula Amilburu, Iker Pastor, Peio Ormazabal eta Amaia Lasaga dira kantatzekoak.

 Azkeneko kanporaketa datorren asteazkenean izango da, Garraxi tabernan. Asier Azpiroz, Maialen Saez de Okariz, Maddi Gallastegi eta Jagoba Apaolaza ariko dira bertan.

 Finala maiatzaren 9an egingo dute, ostegunez, Gasteizko Gaztetxean. Aurreko bi edizioetan arrakasta handia izan du txapelketak.

• 
•