Villabonan, 17:30etan, frontoian 2013-09-25

Zubeldia, Paia, Alaia Martin, Jon Martin, Elustondo eta Barroso Txapelketa Nagusiko lehen saioan

Bertsolari Txapelketa Nagusiak Villabonan ekingo dio igande honean jokatuko da kanporaketako lehenbiziko saioa. Oholtzan, Nerea Elustondo (Legazpi), Fredi Paia (Algorta), Alaia Martin (Oiartzun), Odei Barroso (Urruña), Jon Martin (Oiartzun) eta Iker Zubeldia (Zegama).

15 bertso puntuagarri
Lehenengo fase honetan bertsolariek 15 bertso puntuagarri botako dituzte, hasiera eta bukaerako agurrez gain. Honako hauek izango dira ariketak:

• Binaka, gaia emanda, hiruna bertso zortziko handian.
• Binaka, gaia emanda, hiruna bertso zortziko txikian.
• Banaka, lehen puntua emanda, hiru bertso zortziko txikian.
• Binaka, gaia emanda, hamarreko txikian hiruna bertso.
• Kartzelako lana: banaka, gaia emanda, hiru bertso nahi den doinu eta neurrian.

Saioko irabazlea zuzenean sailkatuko da finalaurreko lehen itzulirako.

Sarrera eskuratzeko hemen

• 
•