Xalto Sariketa 2013-11-27

Mikel Lasartek jantzi du txapela

 Joan zen ostiralean jokatu zen Xalto bertso sariketako 12. edizioa. Denera 50 lagun elkartu ziren Goizuetako Umore Ona elkartean. Azkenean, Mikel Lasarte barañaindarrak jantzi zuen txapela. Honela gelditu zen sailkapena:

 1.- Mikel Lasartek      294,5 puntu
 2.- Iker Gorosterrazuk  287,5 puntu
 3.- Iban Garrok         281 puntu
 4.- Xabier Maiak        273,5 puntu
 5.- Oier Amianok        266 puntu
 6.- Amaia Elizagoienek  242 puntu

 Maider Ansa aritu zen gai-jartzaile lanetan eta herriko eragileek ere izan zuten beren partehartzea, bertsolariek gaitzat hartu beharrko objektuak aukeratu baitzituzten Ikastetxeak, Guraso Elkarteak, Gazte Asanbladak, Goizuetako gazteek eta Umore Ona Elkarteak.

 Xalto sariketa bi urtetik behin antolatzen du Nafarroako Bertsozale Elkarteak, Nafarroako bertsolari gazte zein hasiberriei jendaurrean kantatzeko aukera emateko. Laguntzaile moduan aritzen dira Eusko Jaurlaritzaren Kultura saila, Goizuetako Umore Ona elkartea, Goizuetako Udala, Leitzako gaztetxea eta Iruñeko Zaldiko Maldiko elkartea.

• 
•