Bertsolari Txapelketa Nagusia 2013-12-15

Bertsolari Txapelketa Nagusiko finala zuzenean Bertsoa.com-en

Bertsoa.com-ek zuzen-zuzenean emango du gaur Bertsolari Txapelketa Nagusiko finala, ETB-rekin elkarlanean. Barakaldoko BEC-etik. Maialen Lujanbio, Amets Arzallus, Igor Elortza, Unai Iturriaga, Aitor Mendiluze, Beñat Gaztelumendi, Sustrai Colina eta Aitor Sarriegi arituko dira oholtzan kantari. Irabazleari Juanito Dorronsorok jantziko dio txapela. Goiz eta arratsaldeko saioak ez ezik, txapela jantzi ondorengo prentsaurrekoa ere zuzenean emango du Bertsoa.com-ek.

Bertsolariek egin beharreko lana
Goizean
Binaka, gaia emanda, hiruna bertso zortziko handian.
Binaka, gaia emanda, hiruna bertso zortziko txikian.
Banaka, lehen puntua emanda, hiru bertso zortziko txikian.
Binaka, gaia emanda, hiruna bertso sei puntuko motzean.
Kartzelako lana: banaka, gaia emanda, hiru bertso nahi den doinu eta neurrian.

Arratsaldean
Binaka, gaia emanda, hiruna bertso hamarreko txikian.
Binaka, gaia emanda, zortziko txikian puntutan, zortzi bertso osatu arte.
Banaka, gaia emanda, hiru bertso nahi den doinu eta neurrian.

Buruz burukoa
Binaka, gaia emanda, hiruna bertso sei puntuko motzean.
Binaka, gaia emanda, hiruna bertso zortziko txikian.
Kartzelako lana:
Banaka, hitza gaitzat emanda, bertso bat bederatziko txikian.
Banaka, gaia emanda, hiru bertso nahi den doinu eta neurrian.

Arratsaldeko zortziak eta laurden aldera jakingo da txapeldunaren izena.

• 
•