Gaztelumendi, Bartra, Artetxe eta Ugartetxeak kantatu zuten 2009-08-21

Arazoak izan ziren Bilbon atzoko bertso-saioan

Ertzainak Kaskagorri konpartsaren txosnan sartu ziren Oihana Bartra barruan zela, eta saioa bera gabe hasi zuten. Santiago plaza bete egin zen hala ere.

Atzo ere, egunero bezala, bertso-saioa izan zen Bilboko Aste Nagusian, Santiago Plazan. 13ak pasatxo zirela 3 bertsolari igo ziren oholtzara: Beñat Ugartetxea, Miren Artetxe eta Beñat Gaztelumendi. Beraiekin batera Joxerra Bilbao igo zen, gai-jartzailea. Honek azaldu zuen Oihana Bartra Kaskagorriko txosnan zegoela eta Ertzainek ez ziotela ateratzen uzten. Saioa egin edo ez egin zalantzan egon ondoren kantatzeko erabakia hartu zuten, ikusleekiko errespetuz. Librean aritu ondoren lehenengo ofizioa jarri zuen Joxerra Bilbaok, eta orduan agertu zen Oihana Bartra, entzuleen txalo artean.

Santiago plaza bete egin zen saiorako. Eguraldi ona izan zen gainera Bilbon.

Gaiak denetarikoak izan ziren. Politikari lotutako gaiak izan ziren, baina baita bestelakoak ere.