Irailaren 24an eta 25ean izango da 2009-09-24

Kazetariei zuzenduta dago

 Urrian hasiko da Euskal Herriko bertsolari txapelketa nagusia. Ohiko bertsozaleez gain orain arte bertsolaritzatik urrun xamar ibili den jende ugari erakarriko du seguru asko. Eta kazetariak izango dira guzti hauei informazioa helaraziko dietenak. Hori dela eta, Euskal Herriko Bertsozale Elkarteak "bertsolaritza eta kazetaritza" mintegia antolatu du.Gaur eta bihar izango dira eskolak, Villabonako Mintzola Etxean. Klaseak goizeko 10etatik eguerdiko 13:30 bitartean izango dira, eta Karlos Aizpurua eta Arkaitz Goiokoetxea izango dira irakasle.

 Mintegia bi egunetan banatu da, eta egun bakoitzean alor bat landuko da. Gaurko eguna teorikoa izango da, eta bi gai landuko dira. Alde batetik, gaur egun bat-bateko bertsoa zer den ulertzen ahaleginduko dira, eta hori nola islatzen den epai irizpideetan. Bestetik, kazetariari bertsolarien lanaren inguruko azalpenak emango zaizkio, beraien lekuan jartzen ikas dezan. Karlos Aizpurua da azalpena ematekoa.

 Biharko eguna praktikoagoa izango da, eta bi zati izango ditu honek ere. Lehendabizi bat-bateko bertsoak transkribatzeko jarraibideak emango dira. Ondoren, hautatutako saio batzuk komentatuko dituzte guztien artean. Hemen Arkaitz Goikoetxea ariko da hizlari lanetan.

 Informazio gehiago nahi izanez gero egin klik hemen.

• 
•