Curriculuma urriaren 2rako bidali behar da 2009-09-15

Mintzola Fundazioa administratzaile bila dabil

 Iaz sortu zen Mintzola Fundazioa. Villabonako Subijana etxean dago kokatua, eta administratzaile bila dabiltza orain. Bere lana zuzendariari laguntzea izango da honako arlo hauetan: idazkaritza, kudeaketa, administrazio eta komunikazioan. Honako zeregin hauek izango ditu:

 -Erakunde eta pertsona fisikoekin era askotako egitasmoak bideratzea (jardunaldiak, mintegiak, ekitaldiak, ikastaroak...)
 -Fundazioan administrazio lanak egitea. Idazkaritza, etxearen antolaketa, kontabilitatea, kontratazioa eta lan arloa izango dira gehien bete beharko dituenak.
 -Komunikazio plana garatu eta bitartekoetan esku-hartzea. Beraz, bere esku leudeke web-gunea eta komunikazio orria.

 Lana eskuratu nahi duenak bi baldintza bete beharko ditu nahi eta nahi ez. Alde batetik, gradu titulua eduki beharko du. Bestetik, euskaraz eta gaztelaniaz maila jasoa izan beharko du ahoz zein idatziz.

 Hautapen prozesuan honako alor hauek baloratuko dira:

 -Kudeaketa eta administrazio esparruko ikasketak eta esperientzia
 -Harremanetarako eta talde lanerako egokitasuna
 -Euskara eta kulturgintza alorrean izandako esperientzia
 -Informazio eta komunikazio teknologiak baliatzeko trebetasuna
 -3. hizkuntza batean maila instrumentalean moldatzea, nazioarteko harremanetarako. Bereziki frantsesa eta ingelesa baloratuko dira

 Mintzola Fundazioak honako hau eskainiko dio lana lortu nahi duenari:

 -Iraupen mugagabeko lan kontratua
 -Urteko lansari negoziagarria. Hautagaiaren balioen eta esperientziaren araberakoa izango da

 Postua interesatzen zaionak Curriculum Vitae-a bidali beharko du URRIAREN 2a baino lehenago. Bertan baloratuko diren esparruen azalpen zehatza egin beharko du. Curriculuma bidaltzeko 2 aukera daude. Alde batetik, posta elektronikoz egin nahi izanez gero honako hau da helbidea: mintzola@mintzola.com. Posta arrunta nahiago izanez gero honako helbide honetara idatzi beharko da: Mintzola Fundazioa, Subijana Etxea. Kale Nagusia 70, 20150 Villabona (Gipuzkoa).

• 
•