Bertxoko Sariketa 2010-11-08

Odei Barroso eta Jone Uria sailkatu dira finalera

 Joan zen ostiralean hasi zen Bertxoko Sariketa, Ozaetako txokoan. Afalostean honako bertsolari hauek aritu ziren kantuan Idoia Beitia gai-jartzaile zutela:

 Odei Barroso
 Unai Gaztelumendi
 Jone Uria
 Ekaitz Samaniego
 Ainhoa Comas
 Kristiñe Txoperena

 40 bat entzule bertaratu ziren saioa jarraitzeko. Sariketa honen ezaugarri nagusietako bat da agurrak doinu berezietan egin ohi direla. Gainera, Ozaetako saioan bakarkakoan bertsolari bakoitzari kamiseta bat eman zitzaion, gai bat iradokiz. Saioa, orohar, arina eta umoretsua izan zen. Azkenean Jone Uria eta Odei Barroso sailkatu ziren finalerako.

 Ostiral honetan jokatuko da bigarren kanporajeta, Laudioko basalarrina elkartean. Olatz Bayer jardungo da gai-jartzen. Bertsotan, berriz, honako hauek:

 Ainhoa Mujika
 Julio Soto
 Izar Mendiguren
 Aimar Karrika
 Iker Agirre
 Peio Ormazabal

 Azkeneko kanporaketa, berriz, Gasteizko Errexala elkartean izango da azaroaren 18an. Beñat Goitiak aurkeztuko du saioa eta honako bertsolari hauek ariko dira bertan:

 Ander Solozabal
 Gillen Hiribarren
 Asier Azpiroz
 Miren Amuriza
 Iñaki Aleman
 Mikel Artola
 
 Kanporaketetara hurbildu nahi izanez gero aurretik abisatzea komeni da. Nahi izanez gero telefonoz deitu daiteke: 675707971. E-mailez ere eman daiteke abisua:

 araba.sustapena@bertsozale.com

 Afalosteko saioak izango dira denak. Afaria 20:30etan hasiko da eta saioa, berriz, 22:30etan. Finala azaroaren 26an jokatuko da Trebiñuko sagardotegian.

• 
•