Estitxu Fernandez Maritxalar : «Bertsotan oroitzapen ederrak ditut eta nire buruarekiko estutasun handi bat ere bai»

Estitxu Fernandez Maritxalar (Lesaka, 1975) da aste honetako gonbidatua Bertsolari Bertsozale podkastean. Lesakako bertso eskolan abiatu zuen bertso bidea eta bide intentsoa egin zuen urte gutxitan. Nafarroako zortzi txapelketetan hartu zuen parte eta lau finaletan sartu zen. 1997an Txapelketa Nagusian kantatu zuen Fernandezek. 2000. urte bueltan utzi zuen eta ondoren Bardotan aritu zen ostera, 2012an.