Arabako Bertsolari txapelketa 2024-02-29

Arabako azken finalerdia larunbatean Dulantzin

Arabako Bertsolari Txapelketako azken finalerdia jokatuko da larunbat honetan Aramaion. Bertsotan: Aroa Arrizubieta, Asier Otamendi, Xabi Igoa, Izar Mendiguren, Paula Amilburu eta Aitor Ugarte, Marta Ugartek aurkeztuta. Kultur etxean 17:30etan da hitzordua. Irabazlea zuzenean sailkatuko da finalera. Saio ondoren jakingo da beraz Arabako finalista guztien berri. Lehenengo finalerdian Manex Agirrek eskuratu zuen zuzeneko txartela.

14 bertso puntuagarri
Bertsolariek 14na bertso puntuagarri botako dituzte eta aurreko fasetik alteratuta, ganbarako lana sartuko da fase honetan.
Binaka, gaia emanda, hiruna bertso zortziko handian.
Binaka, gaia emanda, hiruna bertso zortziko txikian.
Binaka, gaia emanda, hiruna bertso hamarreko txikian.
Ganbarako lana:
Bakarka, hasierako puntua emanda, hiruna bertso zortziko txikian.
Bakarka, gaia emanda, bina bertso doinu eta neurri librean.

Sarrerak eskuragarri
Azken finalerdirako sarrerak www.bertsosarrerak.eus atarian daude eskuragarri.

Finala martxoaren 16an jokatuko da Gasteizko Printzipal Antzokian eta sarrerak eskuragarri daude.