Bertso hamabostaldia Donostian 2024-04-17

Ostiralean hasiko da Bilintxen Menda bertso hamabostaldia Donostian, txapeldunen saioarekin

Ostiralean hasiko da Bilintxen Menda bertso hamabostaldia Donostian, txapeldunen saioarekin

Ostiralean hasiko da Donostian Bilintxen Menda bertso hamabostaldiaren bigarren edizioa txapeldunen jaialdiarekin. Imanol Larzabal aretoan da eta sarrerak agortuta daude joan den astetik. Maialen Lujanbio, Andoni Egaña, Amets Arzallus eta Sebastian Lizaso ariko dira kantuan, Ainhoa Larretxeak gaiak jarrita. Bertsoa.eus ekitaldian izango da bertsoaldi onenak sareko plazara ekartzeko.

Txapeldunen jaialdiarekin batean, beste hiru ekitaldi izango dira Bilintxen Menda bertso hamabostaldian: 1935-1967ko txapelketetako antologia kantatua eta ispilu jokoa gaur egungo ikuspetitik, gai-jartzailetzaren inguruko mahai ingurua eta Jon Sarasuaren hitzaldia Txapelketako edukien inguruan.

Ekimen honen bidez «Donostiak historikoki bertso-plaza gisa izan duen garrantzia aldarrikatuko da, baita bertsozaleei gozatzeko paradak eskaini ere eta bertsogintzaren zenbait erpini buruzko gogoetak egin» antolakuntzaren hitzetan. Donostia Kultura, Donostiako Udala eta San Telmo museoaren artean antolatu dute ekimena.

Datozen bi asteetako ekitaldiak

Apirilaren 24an, Jon Sarasuaren hitzaldia.
Ego eta hego: txapelketako edukiei begiratu bat txalodependentziaren ikuspegitik
Aurkezlea: Xabier Euzkitze.
19:00etan, Ernest Lluch Kultur Etxean. Sarrera librea aretoa bete arte.


Apirilaren 28an, Bertsolari Txapelketen antologia kantatua

1935-1967 bitartean jokatutako bost Txapelketa Nagusietako antologia kantatua eskainiko dute, hitzaldi musikatu formatuan. Emanaldi honetan «garai bakoitzean kantatzen zenaren eta gaur egun kantatuko litzatekeenaren arteko ispilu-joko bat osatuko dute» Beñat Gaztelumendi, Oihana Iguaran, Unai Agirre, Nerea Ibarzabal eta Aner Euzkitze bertsolariek, Gari Otamendi eta Ixak Arrutiren musikak lagunduta. Aizpea Goenaga arituko da aurkezle lanean.
Hitzaldi musikatua. Bertsolariak: Beñat Gaztelumendi, Oihana Iguaran, Unai Agirre, Nerea Ibarzabal eta Aner Euzkitze.
Musikariak: Gari Otamendi eta Ixak Arruti. Aurkezlea: Aizpea Goenaga.
19:00etan, Antzoki Zaharrean. 5 €.


Maiatzaren 2an, gai-jartzailetzaren bilakaera
Mahai-ingurua. Solasean: Joxemari Iriondo, Laxaro Azkune eta Maite Berriozabal.
Bideratzaile: Xabier Euzkitze.
19:00etan, San Telmo Museoan. Sarrera librea aretoa bete arte.



 

Albiste gehiago

Jon Agirresarobe Lopetegi 'Torrotxo' - Bertsolari Bertsozale podkasta 2024-05-17

«Lagunartean bildu eta bertsotan egitea izan da bertsolaritzak eman didan gauzarik ederrena»

Anonyme Popularren agurreko kontzertuak maiatzean eta ekainean 2024-04-18

Anonyme Popular: 'Azken agurrak' bira Gasteiz, Baiona eta Bilbon

Maddi Aiestaran Iparragirre - Osinalde Sariko balorazioa 2024-04-08

«Helburua zen guretik kantatzea eta uste dut neurri handi batean lortu dugula»

Jone Larrinaga Dañobeitia - Bertsolari Bertsozale Podkasta 2024-03-28

«Bertsolaritzaren garapena aberatsagoa da espektatibarik gabe»

Mikel Artola Izagirre - Gipuzkoako Bertsozale Elkarteko koordinatzailea 2024-03-26

«Gipuzkoan 10-50 urte bitarteko bertsolari ia denek kantatuko dute udaberrian»